助理報告:應網友熱情邀請,黃越綏老師特別吟了二首詩作與大家分享!
【菜脯】
一甕一甕風吹日曬兮菜脯
攏是歷史沉底兮腳爪
恁時代安怎滾絞
翻出來的味素永遠留著古早味
是一種免摻花粉胭脂又佫
樸實兮鄉土味
面對多元化兮衝突呣免掩蓋佮閃避
自然兮解放著是層層疊疊兮認同
一甕一甕兮菜脯
無同款兮甕仔醃出同款兮台灣情
一路呣驚風吹日曬
【人生兮路慢慢行】
人生兮路應該慢慢行
呣管風雨佮景色早已定
人人打拚攏是想欲贏
遠看名利近聽車馬聲
有人尋無線頭日夜驚
深秋變色只好隨風晟
等待落葉掃遍銅鑼城
則知陀螺已經轉袂停
只拵風淡雲輕夢中尋無影
白頭竟然呣識偕己兮名
人生兮路應該慢慢行
全站熱搜
留言列表